Je le suis tout autant que j'ay sujet de l'estre;
Mais il me reste encor à vous faire connestre
Qu'à vouloir procurer ma gloire & mon bon-heur
Vous perdez vostre frere en perdant vostre honneur;
Si bien qu'à mon advis, vous ne sçauriez mieux faire
Que de mettre en effait ce conseil salutaire,
Espousez Axala.
ISMENIE.
Dieux! bons Dieux, qu'ay-je oüy?
CELIE.
O! ma sœur, est-il fou?
FELICE.
Pour moy je croy qu'oüy.
ISMENIE.
Axala, dites-vous? que j'espouse un Pirate,
Ame lasche, infidelle, & sur toutes ingrate,
Ah conseil odieux!
LEPANTE.