car il fist, au dehors de le porte de Honnecourt,

faire et carpenter en grant haste unes bailles,

et mettre et assir au travers de le rue; et y avoit, 10

entre l'un bauch et l'autre, environ demi piet de

crues et d'ouvreture. Et puis fist armer toutes ses

gens, et cescun aler as garites, pourveu de pières,

de cauch et de tèle artillerie qu'il apertient pour deffendre.

Et si tretost comme cil signeur dessus nommet 15

vinrent à Honnecourt, ordonné par bataille, et

en grosse route et espesse de gens d'armes durement,