que li dis messires Guillaumes de Montagut
avoit ensi passet parmi leur host, et qu'il s'en aloit
querre secours au roy englès, et savoient bien que li
rois Edouwars estoit à Evruich à grant gent, et le tenoient
de si grant corage et si gentil, que il ne lairoit 10
nullement que il ne venist tantost sus yaus pour secourre
la dame et chiaus del chastiel, il parlèrent
ensamble, endementrues que li rois faisoit souvent et
ardamment assallir. Et veirent bien que li rois faisoit
ses gens navrer et martiriier sans raison. Et veoient 15