s'en ala à tout son host apriès les Escos, et les sievi
jusques oultre le bonne cité de Bervich, et se loga
à quatre liewes priès de le forest de Gedours, là où 30
li rois David et toutes ses gens estoient entrés, pour
les grans forterèces qu'il y a. Là endroit demora li
dis rois englès par l'espasse de trois jours, pour
savoir se li Escot vorroient hors issir pour combatre
à lui. Et saciés que tous les trois jours y avoit tant
d'escarmuces et de paletis entre les deus hos, que 5
cescuns estoit anoieus del regarder; et y avoit souvent