ville et deux chastiaus. Mès nuls des seigneurs n’i
5estoient, ne nulles gardes n’i avoit, fors deux belles
damoiselles, filles au signeur de Pois, qui tantost
euissent esté violées, se n’euissent esté doi gentil
chevalier d’Engleterre qui les en deffendirent et les
menèrent au roy pour elles garder: ce furent messires
10Jehans Chandos et li sires de Basset. Li quelz
rois, pour honneur et gentillèce, leur fist bonne cière
et lie, et les recueilla doucement, et leur demanda où
elles vorroient estre. Elles respondirent: «A Corbie.»