Quant li François furent logiet sur le mont de Sangate,
30ensi que vous avés oy, les gens des communautés
perchurent celle tour. Si s’avancièrent cil de Tournay,
qui bien estoient là quinze cens combatant, et
[49] alèrent de grant volentet celle part. Quant cil qui
dedens estoient les veirent approcier, il traisent à
yaus, et en navrèrent aucuns. Quant cil de Tournay
veirent ce, si furent moult courouciet, et se misent
5de grant volenté à assallir celle tour et ces Englès;
et passèrent de force oultre les fossés, et vinrent jusques