Lors se departirent li sires de Mauni et li sires de
25Basset, et laissièrent monsigneur Jehan de Viane
apoiant as murs, car tantost devoient retourner; et
s’en vinrent devers le roy d’Engleterre qui les attendoit
à l’entrée de son hostel et avoit grant desir d’oïr
nouvelles de chiaus de Calais. Dalés lui estoient li
[56] contes Derbi, li contes de Norhantonne, li contes
d’Arondiel et pluiseur hault baron d’Engleterre. Messires
Gautiers de Mauni et li sires de Basset enclinèrent
le roy, et puis se traisent devers lui. Li sires de