[59] Quant sires Ustasses de Saint Pière eut dit ceste
parole, cescuns l’ala aourer de pité, et pluiseurs
hommes et femmes se jettoient à ses piés tenrement
plorant: c’estoit grans pités dou là estre, yaus oïr et
5regarder.
Secondement, uns aultres très honnestes bourgois
et de grant afaire, et qui avoit deux belles damoiselles
à filles, se leva et dist tout ensi, et qu’il feroit
compagnie à son compère sire Ustasse de Saint Pière;
10on appelloit cesti, sire Jehan d’Aire.