10Or entendi il ensi que li royaumes d’Engleterre
estoit durement eswidiés de gens d’armes et d’arciers,
et que il estoient tout ou en partie avoecques le
roy d’Engleterre ou son fil prince de Galles, ou le
duch Henri de Lancastre. Si s’avisa li dessus dis messires
15Guillaumes avoecques ses compagnons que il
feroient secretement une chevaucie en Engleterre et
venroient eschieller le fort chastiel de Rosebourch
qui siet sus le rivière de Tuide, et le ville et le
chastiel de Bervich seant sus celle meisme rivière.