§ 357. A ce conseil s’acordèrent li Englès, et fist
5cescuns son appareil dou plus tost qu’il peut. Si se
departi li princes de Bourdiaus à belles gens d’armes;
et estoient bien quinze cens lances, deux mil arciers
et trois mil bidaus, sans les Bernès que li Gascon
menoient avoecques yaus. Si n’entendirent ces
10gens d’armes à prendre ne à assallir nulle forterèce,
jusques à tant que il eurent passet le Garone au Port
Sainte Marie, à trois liewes priès de Thoulouse, et le
passèrent adonc à gué; ne, passet avoit vingt ans, cil