Et là y eut forte escarmuce des uns as aultres,
des gens le conte d’Ermignach et des Englès. Et quant
5il eurent fait leur emprise, il retournèrent à leur
host et enmenèrent aucuns prisonniers; si passèrent
celle nuit tout aise, car il avoient bien trouvé
de quoi.
A l’endemain au matin, li princes et tous li baron
10de l’host et leur sievant s’armèrent et montèrent as
chevaus et se misent en ordenance de bataille, et
chevaucièrent tout arreement, banières desploiies, et