venu devant, il le commencièrent à environner et
10assallir fortement, et cil qui dedens estoient à yaus
deffendre. Cil arcier qui devant estoient arouté,
traioient si fort et si ouniement que à painnes se osoit
nulz apparoir as deffenses. Finablement, cilz assaus fu
si bien continués, et si fort s’i esprouvèrent Englès,
15que la ville de Noef Chastiel d’Auri fu prise et conquise.
Là eut grant occision et persecution d’ommes
et de bidaus. Si fu la ville toute courue, pillie et robée,
et tous li bons avoirs pris et levés; ne li Englès