une, puis deus, puis trois, puis quatre; car avoech
ce que gens d’armes s’avançoient pour passer, arcier
traioient si fort et si ouniement que cil bidau ne
30savoient auquel entendre. Et en y eut de telz qui
avoient leurs pavais si cargiés de saiettes que merveilles
seroit à recorder. Finablement, ces gens de
[167] Carcassonne ne peurent durer, mès furent reculet,
et leurs kainnes gaegnies sur yaus, et bouté tout
hors de leur ville et desconfi. Si en y eut pluiseur
qui se sauvèrent par derrière, quant il veirent le