biau siège et le plus plentiveus, et le plus grant
5fuison de chevaliers et d’escuiers et de haus signeurs
que on avoit veu en France ensamble devant forterèce
seant à siège, depuis le siège d’Aguillon.
Là vinrent veoir le roy de France pluiseur signeur
estragnier, telz que li contes de Douglas d’Escoce, à
10qui li rois de France fist grant cière, et li donna cinq
cens livrées de revenue par an en hiretage seant en
France. Et de ce devint li dis contes homs au roy de
France, et demora toute la saison avoecques lui.