15sen espée ou il le portoit à eskerpe: tout ensi se
maintenoient il, et avoient pris le chemin pour rentrer
en Paris par le porte Saint Honnouré. Si trouvèrent
de rencontre ces Englès ou fons d’un chemin, qui
estoient bien quatre cens tout d’une sorte, qui tantost
20escriièrent ces François et se ferirent entre yaus
de grant volenté, et les reboutèrent trop diversement;
et y en eut, de premières venues, abatus plus de deux
cens. Chil François, qui furent soudainnement pris
et qui nulle garde ne s’en donnoient, furent tout