Si se tint li sièges devant Saint Waleri un grant
temps, et y eut fait et livret tamaint grant assaut et
mainte escarmuce. Et priesque tous les jours y avenoit
20aucune cose de nouviel ou aucune apertise d’armes;
car li jone chevalier et escuier [de l’ost[328]] s’aloient
là aventurer et esprouver de grant volenté. Et bien
trouvoient à cui parler, car messires Guillaumes
Bonnemare et Jehans de Segure, appert homme d’armes
25malement, et aucun compagnon de laiens venoient
jusques as barrières de leur forterèce lancier