30et le fort chastiel de Hans en Campagne, et tout
pris et robet quanque trouvet y fu, et tout en amont
jusques à Sainte Meneheus en Partois. Et le plus grant
[136] chapitainne entre yaus et le plus renommet, et qui
plus souvent chevauçoit et faisoit des grans apertises
d’armes, c’estoit messires Eustasses d’Aubrecicourt.
Cils tenoit desous lui, ens ou pays de Campagne,
5Pons sus Sainne, c’estoit sa cambre, Nogant sus
Sainne, Dameri, Luci, Saponay, Troci, Arsi sus Aube,
Plansi et pluiseurs aultres forterèces.