se combatoient, il abaissa son glave et se feri ens de
grant volenté, et en abati de premières venues, ne
5sçai deux ou trois. Ilz [et] ses gens, [qui estoient frès
et nouvel[334]], reculèrent tantost les compagnons qui
estoient tout le jour combatu; et reboutèrent bien
avant sus les camps, et en ruèrent tamaint par terre.
Là fu li dis Chanonnes très bons chevaliers et y fist
10tamainte apertise d’armes; et tenoit une espée à deux
mains dont il donnoit les horions si grans et si durs
que nulz ne les osoit attendre. Que vous feroi je