5on n’avoit point veu user en devant de mener avoecques
gens d’armes, si comme moulins à le main, fours
pour cuire et aultres coses pluiseurs neccessaires. En
apriès, chevauçoit li forte bataille dou prince de
Galles et de ses frères, où il y avoit vingt cinq cens
10armeures de fier noblement montés et ricement parés,
et toutes ces gens d’armes et cil arcier rengiet et
sieret, ensi que pour tantost combatre, se mestier
euist esté. En chevauçant ensi, il ne laissassent mies
un garçon derrière qu’il ne l’attendesissent; et ne