celle vendenge ne vallirent riens en celle saison.
15§ 460. Tant chevauça li rois d’Engleterre à petites
journées, et toutes ses hos, qu’il approça durement
Bapaumes. Or vous dirai d’une aventure qu’avint sus
ce voiage à monsigneur Gallehaut de Ribeumont, un
très hardit et appert chevalier de Pikardie. Vous devés
20savoir que toutes les villes, les cités et li chastiel,
sus le passage dou roy d’Engleterre, estoient trop
bien gardé; car cescune bonne ville de Pikardie
prendoit et recevoit chevaliers et escuiers à ses frès.