James d’Audelée, li sires de Muchident, messires Richars
de Pontchardon et leurs routes chevaucièrent
si avant devers Chaalons en Champagne, que il vinrent
à Carni en Dormois, un moult biel fort; si le
15regardèrent et considerèrent moult de priès, quant
il furent là venu: si le convoitièrent durement à assallir,
pour savoir se il le poroient prendre. Si descendirent
de leurs chevaus et se misent tout à piet,
yaus et leurs gens, et approcièrent le chastiel et le
20commencièrent à assallir radement et fortement.