De ce ne fu li princes noient affraés et dist: «Diex
y ait part! Or nous faut avoir avis et conseil coment
20nous les combaterons à nostre avantage.» Ceste nuit
se logièrent li Englès assés en fort liu, entre haies et
vignes et buissons; et fu leur host bien gardée et
escargaitie, et ossi fu ceste des François.
§ 378. Quant ce vint le dimence au matin, li rois
25de France, qui grant desir avoit de combatre les Englès,
fist en son pavillon chanter messe moult solennelment
devant lui, et se acumenia, et si quatre fil.