10à ceste ordenance et se apparilla grandement et estoffeement,
ensi comme il apertenoit à lui, à son estat
et à madame sa femme. Et quant tout fu pourveu,
il prisent congiet au roy et à la royne et à leurs frères
et se partirent d’Engleterre et nagièrent tant par mer,
15yaus et leurs gens, qu’il arrivèrent à le Rocelle.
Nous soufferons un petit à parler dou prince et
parlerons encores d’aucunes ordenances qui furent
en celle saison faites et instituées en Engleterre. Il
fu fait et ordonné, par l’avis dou roy premierement