voirement y venront il pour Dieu servir et yaus avancier,
5mès que vous leur acordés, car li chevalier et li
escuier de ceste terre traveillent volentiers.»—«Oil,
dist li rois d’Engleterre, je ne leur debateroie
jamès, se aultres besongnes ne me sourdent et à mon
royaume, dont je ne me donne de garde.»
10Onques li rois de Cipre ne peut aultre cose impetrer
au roy d’Engleterre ne plus grant clarté de
son voiage, fors tant que toutdis fu il liement et
honourablement festiiés en disners et en grans soupers.