De ces responses que li rois de France faisoit,
se contentoient grandement li baron de Gascongne,
et se tenoient à Paris dalés le roy, qui point n’en
partoient ne retournoient en leur pays. De quoi li
10princes ne s’en contentoit mies bien, et tousjours
perseveroit et faisoit perseverer son conseil sus l’estat
de ce fouage.
Messires Jehans Chandos, qui estoit li uns des grans
de son conseil et vaillans et sages chevaliers durement,
15estoit contraires à ceste oppinion et bien vosist