et messires Robers ne les volt mies cachier trop
folement. Si recueilla ses gens, quant li François furent
tout retrait et rebouté, et s’en revinrent en leurs
10logeis.
§ [640]. Depuis ceste avenue, n’i eut nul fait d’armes
qui à recorder face. Si desplaisoit il bien à aucuns
chevaliers, de l’un costet et de l’autre, de ce que
on ne se combatoit, et disoit on tous les jours: «On
15se combatera demain! On se combatera demain!»
Et cilz jours ne vint onques. Car, si com ci dessus est