10de le cité, quant il veirent le tribulation et le pestilence
qui ensi couroit sus yaus et sus leurs gens, si
disent: «Nous sommes tout mort: or nous vendons
chierement, ensi que chevalier doient faire.» Là dist
messires Jehans de Villemur à Rogier de Biaufort:
15«Rogier, il vous faut estre chevalier.» Rogiers respondi
et dist: «Sire, je ne sui pas si vaillans que
pour estre chevaliers, et grant mercis quant vous le
me ramentevés.» Il n’i eut plus dit, et saciés qu’il
n’avoient mies bien loisir de parler longement ensamble.