demora uns païs pour ceulx de Gand, qui s’appelle
les Quatre Mestiers, car on n’i pooit avenir et toute
5la douceur que il avoient leur venoit de ce costé.
Tout cel ivier, li contes de Flandres avoit si astrains
ceulx de Gaind que nuls blés ne leur venoient ne par
terre ne par aigue, car il avoit tant exploitié envers
ses cousins, le duc de Braibant et le duc Aubert, que
10leur païs estoient clos à l’encontre de ceulx de Gaind,
ne riens ne leur venoit, fors en larechin et en grant
peril pour ceulx qui s’aventuroient de mener vivres.