devant lui, et s’en venoit sus le marchié. Si lui dist ce
chevalier ces nouvelles. Nonobstant, li contes, qui vouloit
tout recouvrer, s’en vint vers le marchié; et, ensi
5comme il i entroit à grant fuison de falots, en escriant:
«Flandres au lion au conte!» ceulx qui estoient à
son frain et devant lui regardèrent et veïrent que la
place estoit toute chargée de Gantois; si lui disent:
«Monsigneur, pour Dieu, retournés. Se vous alés plus
10avant, vous estes mors, ou pris de vos ennemis au
mieux venir, car il sont tous rengiés sus le marchié et