15Par enssi demor[r]ons nous en paix, car je voel et
commande sus la teste, que nuls ne prende prisonnier,
se ce n’est le roi. Mais le roi voel je deporter, car
c’est uns enffes; on li doit pardonner, il ne scet que
il fait, il va ainsi que on le maine: nous l’enmenrons
20à Gand aprendre flamenc; mais dus, contes et tous
autres hommes d’armes, ochiiés tout. Les communautés
de France ne nous en saront ja pieur gret, car il
voroient, de che sui je tous fils, que jamais piés
n’en retournast en France, et ossi ne fera il.»