[97] Espoir, quant il ora vos chevaliers et mesages parler,
se courcera il sur ceux qui vous font guerre, et les
retraira à leur blasme hors de vostre païs.»—«Voire,
dist li contes, et entrues que nostre chevalier
5iront en Engletière, cil qui sont en Gravelines,
qui ne leur ira au devant, poront trop durement porter
grant damage à ceux dou Franc.» Dont fu
respondus li contes, et li fu dit: «Sire, toudis convient
il que on voist parler à eux, tant pour avoir
10sauf conduit pour aler à Calais et en Engletière, que