deduis. Environ mie nuit, il vinrent ens es praieries
20d’Audenarde, et avoient toutes prestes leurs eschielles
avoec eux. Enssi que il passoient parmi les marès, il
i avoit une femme, qui retailloit herbe pour ses vaches,
et estoit là katie. Si entendi l’effroi et les oï parler, et
bien congneut que c’estoient Gantois qui venoient vers
25Audenarde, pour embler la ville, et leur veï porter
eschielles. Celle povre femme fu toute esbahie, et puis
si se reconforta, et dist en soi meïsmes que elle venroit
à Audenarde tout ce dire et nonchier as gardes.