5en la ville de Saint Omer, et eust volentiers veu
que une boine paix ou unes longhes trieuwes fussent
adrecies entre le roi de France, son naturel et droiturier
seigneur, et le roi d’Engleterre; et pour entamer
ceste matère, il en avoit parlé à aucuns chevaliers
10d’Engleterre, le lundi que il vinrent en la tente dou
roi de France devant Bourboucq, liquel chevalier
englès, à la prière dou ducq, s’en estoient chargiet,
et avoient respondu que, eulx venu en Engleterre, il
en parleroient au roi et à ses oncles et à leurs consaux.