l’autre, et il se trouveroient apparilliet. Ceste ordenance
fu tenue et se departirent moult amiablement
15li un de l’autre, et prisent li dit Poitevin le chemin
de Touwars, et li Gascon le chemin de Saint Jehan
l’Angelier, et li Englès le chemin de Niorth. Ensi se
desrompi ceste chevaucie.
Li Englès qui chevauçoient tout ensamble, quant
20il cuidièrent entrer en le ville de Niorth, on leur cloy
les portes, et leur disent li villain de le ville que
point là il n’enteroient et qu’il alaissent d’autre part.