un moult friche et gentil chevalier et bon homme

d’armes. Trop souvent le jour se fuissent trouvet

François et Englès, et rencontré sus les camps, se il

volsissent, mais et li un et li aultre chevauçoient sagement.

30Si fu en ce voiage la terre dou signeur de

Couci toute deportée, ne on n’i fourfist onques riens,

car li gentilz sires de Couci estoit hors dou pays et se

[157] dissimuloit de ceste guerre pour la cause de sa

femme, ma dame Ysabiel, fille au roy d’Engleterre. Si

estoit escusés de l’une partie et de l’autre.