Aussai, et sus le rivière dou Rin, par où il les couvenoit
passer et aler, se il voloient entrer en Osterice.
Li rois de France n’avoit cure quel marchié il fesist,
15mais que il veist son royaume delivré de ces compagnes:
se li acorda toute sa demande, et fina pour
lui devers les compagnes, et leur delivra grant argent
mal emploiiet, ensi que vous orés recorder temprement;
car onques gens ne s’acquittèrent pis envers
20signeur, qu’il s’acquittèrent devers monsigneur de
Couci. Il prisent son or et son argent, et se ne li