CATHERINE.
J'ay la pépye.
CLÉMENT.
Dont vient cecy? Suys-je une espye,
Ou ne m'aimez-vous point autant
Que vous souliez?
CATHERINE.
Je vous hay tant
Que j'ay moins cher mon propre frère:
Et toutesfois mon cueur diffère
D'en dire rien.
CLÉMENT.
Vous estes fine.
Venez çà. Si je le devine,
Le confesserez vous adoncq?
Vous reculez? Promettez moy doncq,
Ou je importuneray sans fin.
CATHERINE.
C'est vous mesme qui estes fin:
Or sus puis que promettre fault?...