CLÉMENT.
Quant au renom,
Il n'est point mal.
CATHERINE.
Je croy que non.
CLÉMENT.
Puis, vous avez, j'en suis records,
Ung esprit digne de ce corps,
Voire tel, sur ma conscience,
Que pour moy, en toute science,
Je le vouldroys.
CATHERINE.
S'il y en a,
Il vient de Dieu qui le donna,
Et en loue sa bonté haulte.
CLÉMENT.
Au reste, vous n'avez point faulte
De ceste bonne grâce exquise,
Laquelle est toujours tant requise
En la beaulté.