A Jehan Briquède, pour 6 jours qu'il a besongné tant à servir le dict Duchesne comme le maçon qui a besongnié au puis devant l'ostel M. le prevost, par jour 2 s. 1 d.
A Jehannin Bernart, maçon, pour 4 jours et demi qu'il a besongnié tant en l'autel de Prime comme à asseoir et tailler pierre de taille pour les posteaux du puis devant l'ostel dudit M. le prevost, pour jour 3 s. 4 d.
A Vincent Fillais, pour un jour qu'il a besongné pour faire les troux de la haulte verrière, dont cy-dessus est faicte mencion, pour asseoir les barreaux d'icelle, 5 s.
A Jehan de Lalecraye, charpentier, pour un jour et demi qu'il a besongnié ès poulies qui soustiennent le doulsier du maistre-autel, par jour 5 s.
A Denis Dumesnil, esveilleur, pour 3 jours qu'il a besongné a nectaier l'eglise et destaindre les chandelles, par jour 20 d.
A Huguet de Villarjac, pour 3 mines de plastre mises et emploiées en l'autel de Prime, le sextier 9 s. 2 d.
En une livre de oint pour oindre les poulies dudit puis, 15 d.
A Jehan Motet et autres qui ont tendu et destendu chappitre, pour vin à eulx donné, 5 s.
En charbon pour les verriers, 15 d.
Pour avoir souldé l'ance d'une des juxtes ès quelles sont faiz les presens, 10 d.