A Yvonnet Paris, pour avoir relié et couvert 4 des livres de la librarie, le 1er Georgicam Virgilii et Virgilii Eneydos; le 2e Summam dictaminis magistri Thome de Capua; le 3e Quasdam questiones ad quatuor libros Sentenciarum pertinentes; le 4e Unum librum de Compoto, pour tout 32 s. 6 d.
En vin pour necessitez, 10 d.
* * * * *
En la sepmaine sainct Maurice commençant le 17e de septembre.
A Jehan Perier, verrier, pour 6 jours qu'il a besongnié en la haulte verrière de Nostre-Dame qui est ou cuer de l'eglise, pour jour 4 s.
A Jaquet le Bastonnier, verrier, pour 4 jours et demi qu'il a ouvré en ladicte besongne, par jour 4 s.
A Denis Dumesnil, esveilleur, pour 6 jours qu'il a besongné tant à destaindre les chandelles comme à nectaier l'eglise, par jour 20 d.
A Guillaume Porcheret et son compaignon, pour avoir fait guet nuict et jour ou clochier de plon, 35 s.;—en chandelles, 10 d.
A Jehan Lefort, chasublier, pour la façon de la custode de l'autel de
Prime, 2 s. 6 d.
A Jehan Leraut, plommier, pour avoir lavé, affiné et fondu les cendriers de l'euvre, ès quelx a eu de plon 4 milliers 2 cens 90 livres et demie de plon, pour chacun cent par lui affiné et fondu, 7 s. 6 d.