A Jehan de Laletraye, charpentier, pour 3 jours et demi qu'il a besongnié en l'ostel de la Loge pour faire le môle des plommiers pour gecter plon en table, par jour 5 s.
A Jehan Rogier, charpentier, pour 2 jours et demi qu'il a besongnié avec ledit de Laletraye, pour jour 3 s. 4 d.
A Jehan Douge, pour 3 jours et demi qu'il a besongnié à destaindre les chandelles et nectaier ès goulières et alées de l'eglise, pour jour 20 d.
A Guillaume Porcheret et son compaignon, pour avoir fait guet nuit et jour ou clochier de plon, 35 s.;—en chandelles, 10 d.
A Colin Caillart, couvreur, pour avoir laté et couvert d'ardoise le puis qui est devant l'hostel de M. le prevost de Masangé, 6#.
Dimanche, 6e jour d'octobre, fut faicte procession generale en l'église de Saincte-Foy, en laquelle fut porté le chief de Mme saincle Anne, à 2 chappellains qui le portèrent, 2 s. 6 d.;—pour porter 4 torches, 30 d.: —pour les 2 croix, 15 d.;—pour le messel et chappes, 5 d.;—pour la sonnerie de Bourdeau et de Chartain faicte durant ladicte procession, 7 s. 6 d.
A messire Robert Chuffleau, pour les serrures et ferrure de 2 aumoires qui sont ès grans aumoires qui ont esté ostées de derrière le maistre-autel de l'eglise et apportées en l'ostel de la Loge, 15 s.
A Petit Guillot, pour 3 cens de clou de 10 livres, c'est assavoir 2 cens pour le puis et un cent pour le verrier, 4 s. 6 d.
A lui, pour 3 cens de clou à ardoise pour ledit puis, 3 s. 4 d.
En charbon pour les plommiers et verriers, 20 d.