A Jehan Perier, verrier, pour 6 jours qu'il a ouvré ès paneaux de la verrière de Saint Lubin, pour jour 4 s.
A Jehan Douge, pour 6 jours qu'il a besongné à destaindre les chandelles et à nectaier l'eglise, par jour 20 d.
A Guillaume Porcheret et son compaignon, pour avoir fait guet nuit et jour ou clochier de plon, 35 s.;—en chandelles, 10 d.
Le venredi, 8e jour de novembre, fut dict et celebré un anniversaire solemnel pour les âmes de nos seigneurs et autres trespassés en conflict et bataille faicte le 25e jour d'octobre emprès Blangy en Artois[24], durant lequel anniversaire et le jour precedent, aux vigiles et après cuevrefeu, furent sonnées les cloches de Gabriel et de Marie, pour 18 hommes qui les sonnèrent, à chacun 15 d.;—pour la sonnerie de Bourdeau et de Chartain, pour 8 hommes, 10 s.
[Note 24: Cette bataille est celle connue aujourd'hui sous le nom de bataille d'Azincourt.]
A Richart le Herisson, sergent du Roy nostre sire, pour la coppie d'une complaincte en cas de saisine et de nouvelleté impetrée de la partie de M. le chevecier à l'encontre de MM. les maistres de l'euvre, pour cause d'un certain hauberjon donné et offert au maistre-autel d'icelle eglise, lequel il pretend à lui appartenir, 20 s.
En charbon pour le verrier, 10 d.
A Moudon Audouart, pelletier, pour 4 pennes blanches pour les robes de
Jehan Perier, Perrin Ytier, orfèvre, chacune penne 12 s. 6 d.
A Philippot Mauvoisin, fèvre, Jehan de Laletraye, charpentier, Jehan Leraut, plommier, et Laurent Vuatier, maçon, en lieu des pennes qu'ilz devoient avoir pour fourrer leurs robes, à chacun des dessus nommez, 25 s.
Au soubz-queux, pour la prinse de 10 rats, 12 d. ob.