En la sepmaine de la feste de la Chaiere saint Pierre commençant le 16e de fevrier.
A Jehan Leraut, plommier, pour 5 jours qu'il a ouvré à couvrir et revestir de plon le beffroy du petit clochier de plon, pour jour 5 s.
A Jehan Motet, pour 5 jours qu'il a ouvré à faire ce que dit est avec ledit Leraut, pour jour 3 s. 4 d.
A Estienne Aveline, pour 5 jours qu'il a besongnié avec les dessus diz, pour jour 3 s. 4 d.
A Jehan Perier, verrier, pour 5 jours qu'il a besongnié à faire les verrières de 2 châssis qui sont ordonnés estre mis ès fenestres de la tourelle de chappitre, pour jour 4 s.
A Jaquet le Bastonnier, verrier, pour 5 jours qu'il a ouvré avec ledict verrier et ès paneaux de la verrière Saint Vincent, par jour 4 s.
A Jehan Douge, pour 5 jours qu'il a besongnié à nectaier l'eglise, destaindre les chandelles et à nectaier et vuider des terres de la tourelle de chappitre, pour jour 20 d.
A Yvonnet Pepin, pour 2 jours qu'il a ouvré à aidier à vuider les terres de la dicte tourelle, pour jour 2 s. 1 d.
A un autre compaignon, lequel besongna avec ledict Yvonnet pour faire ce que dit est 2 s. 1 d.
Pour 12 sacs de charbon, lesquelz ont esté mis en la dicte tourelle, dessoubz le planchier ou fons d'icelle, le sac 6 d.