C’est tousiours le refrein qu’ils font à leur balade.
Pour moy ie n’en voy point que ie n’en sois malade.
I’en perds le sentiment du corps tout mutilé,
Et durant quelques iours i’en demeure opilé.
Vn autre renfroingné, resueur, melancolique,
Grimassant son discours semble auoir la colique,
Suant, crachant, toussant, pensant venir au point :
Parle si finement que l’on ne l’entend point.
Vn autre ambitieux pour les vers qu’il compose,
Quelque bon benefice en l’esprit se propose,