Qui baille apres vn bien qui sottement luy plaist.
Ainsi les actions aux langues sont sugettes,
Mais ces diuers rapors sont de foibles sagettes,
Qui bleçent seulement ceux qui sont mal armez,
Non pas les bons espris à vaincre acoutumez,
Qui sçauent auisez auecques differance,
Separer le vray bien du fard de l’apparance.
C’est vn mal bien estrange aux cerueaux des humains
Qui suiuant ce qu’ils sont malades ou plus sains,
Digerent la viande, & selon leur nature,