Le fort batit le foible, & luy liura la guerre,
De là l’Ambition fit anuahir la terre,
Qui fut auant le tans que suruindrent ces maux,
Vn hospital commun à tous les animaux,
Quand le mary de Rhée au siecle d’innocence,
Gouuernoit doucement le monde en son enfance :
Que la terre de soy le fourment raportoit,
Que le chesne de Masne & de miel degoutoit :
Que tout viuoit en paix, qu’il n’estoit point d’vsures :
Que rien ne se vendoit, par poix ny par mesures :