Nostre Melancolique en sçauoit bien que dire,
Qui nous pique en riant, & nous flate sans rire,
Qui porte vn cœur de sang, desous vn front blemy,
Et duquel il vaut moins estre amy qu’ennemy.
Vous qui tout au contraire auez dans le courage
Les mesmes mouuemens qu’on vous lit au visage,
Et qui parfaict amy voz amis espargnez,
Et de mauuais discours leur vertu n’eborgnez,
Dont le cœur grand, & ferme, au changement ne ploye,
Et qui fort librement, en l’orage s’employe,