Ainsi de toute femme à mes yeux opposée,
Soit parfaite en beauté, ou soit mal composée,
De mœurs, ou de façons, quelque chose m’en plaist,
Et ne sçay point comment, ny pourquoy, ny que c’est.
Quelque obiect que l’esprit, par mes yeux, se figure,
Mon cœur tendre à l’amour, en reçoit la pointure :
Comme vn miroir en soy toute image reçoit,
Il reçoit en amour quelque obiect que ce soit,
Autant qu’vne plus blanche, il ayme vne brunette,
Si l’vne a plus d’esclat, l’autre est plus sadinette,