Bien qu’il m’eust à l’abord doucement fait entendre
Qu’il estoit mon valet, à vendre & à dependre,
Et detournant les yeux, Belle à ce que i’entens,
Comment vous gouuernez les beaux espris du tans,
Et faisant le doucet de parole, & de geste,
Il se met sur vn lict, luy disant, Ie proteste
Que ie me meurs d’amour, quand ie suis pres de vous :
Ie vous ayme si fort que i’en suis tout ialoux,
Puis rechangeant de note, il monstre sa rotonde,
Cest ouurage est-il beau ? que vous semble du monde ;