Selon son apetit le monde se repaist,
Qui fait qu’on trouue bon seulement ce qui plaist.
O debille raison où est ores ta bride,
Ou ce flambeau qui sert aux personnes de guide,
Contre les passions trop foible est ton secours,
Et souuent courtisane apres elle tu cours
Et sauourant l’apas qui ton ame ensorcelle,
Tu ne vis qu’à son goust, & ne voys que par elle.
De là vient qu’vn chacun mesmes en son defaut,
Pense auoir de l’esprit autant qu’il luy en faut,